Eng ko'p o’limga olib keladigan kasalliklar
Eng ko'p o’limga olib keladigan kasalliklar
Sog'liq - bu juda muhim, shuning uchun unga diqqat bilan g’amxo’rlik qilishingiz kerak. Yuqumli bo'lmagan kasalliklar inson salomatligiga eng katta tahdiddir. Ko'pincha ular 70% hollarda o'limga olib keladi. Qanday kasalliklar eng xavfli deb sanaladi?

Qandli diabet

Bu xavfli kasallik bo'lib, unda endokrin tizim ishdan chiqadi. Qandli diabetning asosiy belgisi qondagi shakar miqdorining oshishi. Kasallik ikki turga bo'linadi.Birinchi turdagi kasallikni davolab bo’lmaydi: diabet kasalligiga uchragan odamlar muntazam ravishda insulin in'yektsiyasini olishlari kerak, chunki ularning oshqozon osti bezi kerakli miqdorda bu gormonni ishlab chiqarish qobiliyatini yo'qotadi. Ikkinchi turga, odatta, nosog'lom turmush tarzini olib boradigan odamlar duch keladi. Shifokor tavsiyalariga rioya qilinsa, kasallikni yengish va remissiyaga o’tish mumkin.

Yurak-qon tomir tizimining kasalliklari

Infarkt,insult va boshqa xavfli holatlar qon aylanish tizimidagi buzilishlar tufayli yuzaga keladi. Yurak-qon tomir kasalliklari juda xavflidir, shuning uchun siz ozgina og'riq his qilsangiz ham, shifokor bilan maslahatlashishingiz kerak.Xavf guruhiga yomon odati bor, semirib ketgan, asab tizimiga kuchli ta’sirni boshdan kechiradigan va kam harakatlanadigan odamlar kiradi.

O'pka kasalliklari

Dunyoda deyarli har oltinchi o'lim o'pka kasalligi tufayli sodir bo'ladi. Bunga o'tkir respirator virusli infektsiyalar yoki bronxitdan keyingi asoratlar, yomon ekologiya, yomon odatlar va xavfli ishlab chiqarish sharoitlari sabab bo’ladi.Agar siz katta shaharda yashasangiz, o'pkangizga ayniqsa ehtiyot bo'lishingiz kerak. Xavfli kasalliklarning rivojlanishining oldini olish uchun muntazam ravishda fluorografiya o'tkazing va shifokorlar ko’rigidan muntazam ravishda o’ting.

Onkologiya

Ushbu kasallikning asosiy dahshati shundaki, rivojlanishning dastlabki bosqichida,o'simta bilan hali kurashish mumkin bo’lganda, u hech qanday o'zini namoyon qilmasligi mumkin. Ko'pincha shifokorlar dahshatli tashxis qo'yganda, davolash befoyda bo'ladi. Har yili saraton kasalligi bilan kasallanganlar soni ortib bormoqda, bu butun dunyo bo'ylab tibbiyot xodimlarini juda tashvishga solmoqda.Onkologik kasalliklarning sabablari yomon ekologiya, noto’g’ri turmush tarzi,o'z sog'lig'iga beparvolik deb aytiladi.

Ваша реакция?

Сообщения из Facebook